اتعرفي ع نوع جسمك

شكل جسمك " محور تشكيل جمالك " 

# أهمية معرفة نوع جسمك : 

لما تعرفين نوع جسمك راح يسهل عليك  اختيار الملابس المناسبه بحيث تعطين لمسات و خدع و تلاعب بالشكل الين ماتوصلين للنتيجه الي تبينها  ، و من خلال نوع جسمك راح تركيزين ع الأماكن المهم و المفروض ابرازها و ع الأماكن المهم  اخفائها او موازنتها 

كيف اجمل جسمي من خلال معرفتي لنوعه : 

لما تعرفينه راح يتبين لك طرق التصحيح بالبس ! ايش الأماكن الي ضروري تركزين عليها ايش الأماكن الصح ايش الاماكن الغلط ؟!  

# انواع الاجسام : 

١ - الساعه الرمليه 

٢ - الكمثري 

٣ - التفاحه 

٤ - المسطره 

٥ - الكأس 

و يعتمد هالأنواع منها فروع : ( سمينه او نحيفه ) 

راح اتكلم عن كل نوع و الملابس و الطلات المناسبه لكل جسم بشكل متناسق و متوازن و القطع الممنوعه ع كل جسم

 

# كيف اعرف نوع جسمي ؟! 

بالبدايه لازم تعرفين قياسات ثلاث اقسام بجسمك 

" عرض الاكتاف ، الوسط الي هي منطقة ما تحت القفص الصدري  ، الارداف 

خذي المتر و قيسي 

الكمثري : يكونون الاكتاف اصغر من الأرداف و تكون عريضه 

الساعه الرمليه : تكون الاكتاف و الارداف متساويه و الوسط اصغر منهم 

التفاحه : الأكتاف + الارداف متساويه و الوسط او البطن عريض 

المسطره : يكون الاكتاف و الوسط و الارداف بمقاس واحد حتى لو كان الوسط اصغر بشوي 

الكأس : من اصعب الاجسام لانها تميل للجسم الرجالي يكون الاكتاف عريضه و الوسط اصغر بشوي و  الارداف نحيفه 

القياسات بالمتر : اذا زاد متر ونص مثلا الى مترين معناه متساوي حتى او قل بشوي 

 نوع جسمي : ساعه رمليه ماخذته وراثه " لووول"

ف هو اكثر نوع عندي خبره فيه ف راح ابتدي فيه 

بحكم اني مراه بتجارب عميقه معاه 

جسم الساعه الرمليه : من الاجسام المثاليه و من أشهر اصحاب جسم الساعه الساعه الرمليه " مارلين مونرو " 

شكل الساعه الرمليه : تكون الاكتاف و الارداف متساوين  ف هنا ما يحتاج تركيز بالملابس بقد باقي الاجسام لانه بلاساس الجسم مرتب لكن زي ما متعارف عليه كل قاعده لها شواذ لما اقول ان ماتحتاج تركيز مو معناه تلبسين اي شئ لانه ممكن تلبسين شئ مو مناسب عليك و يبرز و يعطي انبطاعات سيئه عن جسمك 

الملابس الي مهم تجتنبينها بالساعه الرمليه : 

مهم انك تاخذين لبس مقاسك او اكبر بدرجه الضيق راح يعطي انطباع سيئ عن جسمك 

٢ - ابعدي عن التنانير او التيشرتات الي تكون فيها كركش و طبقات عشان لا تفقدين توازن قوائمك لان هالستايلات تكبر و تعطي حجم او إيحاء اكبر 

٣ - ابعدي عن الجينز الي يكون فيه جيوب ع المؤخره بمسافات بعيده لانه راح يفقد التوازن في قوائمك و راح يبين او يعطي احياء اكبر لمنطقة الارداف + ابعدي عن الجينز الي يكون بدرجتين فاتح و غامق دائماً اختاري لون واحد لان لو اخترتي درجتين راح تعطين ايحاء و حجم و تركيز للشخص ع ذاك المكان بتالي بيخرب التوازن ! 

٤ - ابعدي عن الأقمشة القاسيه ودايما ميلي الناعمة الحرير و الخ لان راح تعطي عرض لجسمك ف بتالي تفقد توازن و جمال قوائم جسمك 

٥ - اكثر المشاكل الي تحصل مع جسم الساعه الرمليه هي ! اختيار التنوره ! تأخذ مقاس خصرها او مقاس اردافها 

بقولك تاخذين مقاس اردافك عشان يتناسق مع قوائم جسمك 

التنورات المناسبه لجسم الساعه الرمليه : 

التنورات الستريت او التنورات الستريت المخصرة لكن دون قماش السترتش و التنانير 

الجاكيت : 

الجاكيت الي يكون شبهه ماسك ع جسمك هوا انسب الانواع و لما اقول ماسك مش معناه ضيق لا يعني محدد جسمك و بارزه 

بنسبه للجاكيتات الطويله و الرسمية مهم تكون محدده من عند الخصر و بنسبه للفتحه من عند الصدر مهم تكون ع شكل " v " 

الفساتين : 

من اجمل الفساتين الي تكون محدده جسمك و بارزه التوازن بعيدا عن السترتش حق البعد ! 

و فتحت الصدر حلو تكون ع شكل " v " 

بنسبه لجسم الساعه الرمليه السمين : بما ان قوائم او عظام جسمك من الاجسام المثاليه ف مرح تعانين كثير ! كل الي تحتاجين تنحفين منطقة الارداف + الاكتاف + الصدر / لكن الوسط مهم يكون زي ما هوا 

و من ابرز الملابس الي بتساعدك بخطوة تنحيف الارداف هي التنوره على شكل A 

لانها راح تخفف من حدت القوائم 

ابعدي عن اي شئ يحدد الجزء التحتي ! لانه راح يعطيه ايحاء اكبر و احنا نبي ننحف ! 

بنسبه للصدر و الاكتاف : 

اختاري التيشرتات الي تكون ماسك من الايدين لان هالحركه راح تعطي انبطاع و ايحاء اصغر لمنطقة الصدر 

و ابعدي عن اي طبقات و كركشه ع هالمنطقه 

 

باقي الاجسام 

" جاري التدوين " 

" دليلك ماقبل الدخول لعالم الميك اب "

* مساء الرضا و الجمال 

 سويت استفتاء عن ٤ تدوينات 

و أغلبكم اختارو هالموضوع ... 

الي هوا

"  دليلك ماقبل الدخول لعالم الميك اب  " 

.

. 

" أساس الجمال في كل شئ البساطه " 

.

. 

ك بدايه مُهم تحطين في بالك ! ان الميك اب ما بيزيد ولا بينقص ! لأنك جميله معاه او بدونه ! لان ببساطه الميك اب مجرد "عامل مساعد لأبراز ملامحك " 

.

. 

#احب اذكر : مدونتي مركزه ع العنايه قبل الميك اب لأن بلأساس لو ما كان عندك مبدء عنايه ! داخليه : من ناحية التغذيه ، معدل النوم و معدل شرب الماء و راحة النفسيه ، الرياضه + العنايه الخارجيه : الاهتمام الخارجي بالبشره و الجسم و اليدين و القدمين و الشعر 

مستحيل راح تلاقين جمال لما تستخدمين الميك اب !  لان بشرتك ! مو نظره مو صافيه مو جميله ، عشان كذا ابدء العنايه / الداخليه + الخارجيه قبل المستحظرات التجميليه الكيميائية الي راح تضر اكثر مما انها تنفع 

.

.

اول خطوه : مهم  انك تفهمين الميك اب و طريقة التعامل معاه ! ببساطه ناعمه و جذابه و بنفس الوقت " تفتن الشخص الي قدامك " 

.

. 

ثاني خطوه ! مهم انك تميزين و توزنين كمية الميك اب ! ع المكان او المناسبه الي راح تحظرينها ! كلمه دائماً نسمعها لو مثلا رايحين ( مدرسه ) و نلقاها حاطه ميك اب اوڤر و حالتها حاله و هي بس ( مدرسه ) ؟ نسمع اغلب البنات بس تمر منها " شفيها هذي رايحه عرس " و لا اقصاها يخزونها و فجاءه ينفجرون ضحك هنا معليش ! اقدر اقولك تستاهلين جبتيها لنفسك ! فاليش نحط نفسنا بمواقف بايخه ! لحد هنا اتوقع وضحت فكرة الموازنه و تميز كمية الميك اب لكل مناسبه او عزيمه لان انتي بالميك اب حقكك راح تعطين انطباع عن مفهومك له و طريقتك ! و ما اضن في وحدا تحب الناس تأخذ عنها فكره ان خبرتها بالميك اب  شبهه معدومه  

.

. 

ثالث خطوه : " لا تتبعين الموضه بكل شئ " 

اقرب الامثله ! لما صارت الحواجب الفاتحه موضه كثير سووها و ما راعو اذا كان يناسب شكلهم او لا ! و يطّلع شكلهم مرا غلط ! شعرهم لون و لون الحواجب فرق السماء عن الارض ! هذا يعتبر بنسبه لي " اعفاء النفس عن ابداء رائيها الشخصي و انتهاك للشخصيه " التقليد من اسوء الصفات الي ممكن تدمرين نفسك فيها و تمحين شخصيتك فيها فاخذي الي يناسبك من الموضه و اتركي الي ما يناسبك 

.

. 

 

.

. 

# تصحيح لمفاهيم خاطئه و ضروريه بالميك اب : 

- تمهيد : 

قبل كل شئ البشره الصافيه و النظره أساس الميك اب النظيف !

خليك من الكوركتر و الكونسيلر مابينفعونك اذا كانت بشرتك مو صافيه انا اعتبر هالاشياء " خدع " فعلا انهم يفكون ازمات لكن البعض

فعلا تنخدع فيها و تكتفي فيها و تنسى العلاج ! و تنسى ان هالماده تضرها اكثر من انها تنفعها 

٢ - الحواجب اهم نقطه بالوجه ف اهم شئ تكون مرسومه بشكل طبيعي ! ثاني شئ ضروري يكون لون شعرك مماثل للون حواجبك

-  صور توضح تأثير لون الحواجب المماثله للون الشعر 

بختصر كلامي عنهم ب كلمة " اناقه "

فعلا ! اناقه 

٣ - الكونتور و الهايلات و البلشر

مهم يكون بشكل بسيط يبرز الملامح بشكل " نااااعم " - ( ميلون خط تحت ناعم  ) خلو الموضه ع جنب !  الكونتور المبالغ فيه يعتبر " تدمير للملامح "  

صور توضح جمال الكونتور و هايلايت و البلشر الناعم  : 

شايفين البساطه و النعومه ! 

الصور المنتشره في الانستقرام للكونتور 

الي تبين مواقع الكونتور و الهايلات تكون مرا اوڤر عند الناس الي مايفهمون معناها ! 

تدرون ان هذي اكبر غلط ! عند البعض ! لان أساسا هي زي ما قلت توضح أماكن الكونتور و الهايلات و مالها اي علاقه بدرجة اللون و الحده ! ف انتبهو لهالنقطه 

٤ - الشفايف الي لعبو فيها لعب ... 

الشفايف انواع و أشكال ناس تناسبهم الشفايف الكبيرا ناس المتوسطه ناس الصغيرا فا زي ماقلنا خذي الي يناسبك و اتركي الموضه و زي ما متعارف عليه اي شئ اذا زاد عن حده ينقلب ضده لو حابه تكبرين شفايفك بالمحدد امشي ع الخط الأبيض الي فوق شفايفك لا تنزلين ولا تصعدين

٥ - الآي شادو و الآي لاينر : 

سوالف امط الحكل لاذني انا ما احبها ( مية خط ) 

دائماً و ابدا اختاري الي يناسبك ! و يناسب شكل عينك ! اتركي الموضه ع جنب و شوفي الي يجملك

٦ - كريم الأساس او البي بي كريم : مبدئيا احب اقولك حبي طبيعة لون بشرتك ! و لا تطلعين عن نمط لونها في اختيار كريم الأساس او البي بي كريم لان الغرض من كريم الأساس توحيد اللون ف لا تتوقعين انه بيبيضك ! أبداً ! راح يخليك طايحه بطحين و بس " لوووول " 

طريقة اختيار الميك اب المناسب : 

بالبدايه ضروري تعرفين ! نوعية بشرتك ثاني خطوه انتي ماتقدرين تحكمين ع الميك اب الي بتستخدمينه ! دون لا تعرفين هوا مناسب لأي بشره ! لو كان مناسب لنوع بشرتك هنا تتيح لك الاحقيه في تجريب و التقيم و الحكم ع المنتج 

خطوات مهمه لبشرتك ما قبل و بعد الميك اب " تصحيح لأبرز الأخطاء "  : 

ما قبل الميك اب :

تحضير البشره للميك اب " بشره نظيفه + ممسوحه بتونر او ماء ورد + مرطبه " 

لا تأجل عمل اليوم الى الغد ! 

مهم تمسحين الميك اب حقكك ! و تنظفين بشرتك من بعده ! و تهتمين فيها

انتبهي تنامين فيه ابدا مو من صالح بشرتك تأذينها بمواد كيمياويه تتراكم ع بشرتك دون لا تتنظف بتالي اقل شئ ممكن يصير لك تطلع لك حبه و اضن احد فينا يحب الحبوب ... 

# ما قبل الأخير : 

فرش الميك اب من احدى اعظم أسباب مشاكل البشره 

فا بتالي مهم انها  تتنظف و تتعقم و تكون جودتها ممتازه بحيث شعيراتها ما تأذي بشرتك 

النهايات - 

الخطوات الي ذكرتها : ب " خطوات مهمه بالميك اب "  كانت مجرد تركيز ع الأخطاء وتنويهه عن اساسيات كثير يغلطون فيها ، لكن بنسبه ! للتفاصيل فا راح تكون  

- مخصصه في تدوينات مستقله 

دائماً تذكري كل ما قل المكياج كنتي اجمل 

دائماً و ابدا الجمال يكمل بالبساطه 

نهاية التدوينه 

دمتم ورداتا لي 

كيف ابتدي اعتني بنفسي ك " انثى " ، ملف شامل للعنايه ...

اهدي إليكن أمسيات الورودِ المشبعه بالبدايات التي تليق بجمالها ... 

هالتدوينه كافله بكل انثى ع وجه الارض لم تدرك بعد  انها انثى 

عنايتك بنفسك لها أولويات و ايجابيات و حلول لمشكلات تعانين منها 

 كثير ! ماتهمها هالنقطه و تعتبرها فضاوه ! و تشتكي من الحبوب الي بوجهها + تساقط شعرها + سلوليت و تعرجات بجسمها ! + نقص ڤيتامينات + فقر دم و الخ... 

هنا انا اقدر أوقف ! و ابين لك أسباب المشاكل الي تعانين منها ، و من اهم الأسباب ! هي العواقب المترتبه نتيجة انعدام العنايه !!! ، لمعتقدات سلبيه بحقكك و بحق أنوثتك لكن للاسف انتي بهالمعتقدات السلبيه جالسه تحرمين أنوثتك من اي شئ له صله بالجمال 

 لكن ! كل انثى لها سبب في انقطاعها عن العنايه و من اهم الأسباب  

ماعندي وقت ؟ اتعب ؟ اتعيجز ؟ أكسل ؟ دراستي ؟ زوجي عيالي ؟ 

لكل سبب له مسبب ! 

لما تبتدون بالعنايه لا تأخذونه ع انه شئ يتنفذ لسبب معين مثلا عشان يتوقف تساقط شعرك و بس خذيه ع انك جالسه تلمعين أنوثتك جالسه تحطينها حقها جالسه تجملين نفسك ! و بنسبه لدراستك و زوجك و عيالك ف هذا ابدا مو عذر للتقصير بحق أنوثتك نظمي وقتك من الأهم ف الأهم و كل شئ راح يكون تمام 

دائماً بهالأمور التمسي الايجابيه و عززيها فيك بعدها اشتغلي ع الجانب المعنوي 

اتعيجز ! 

( قليلٌ دائم خيرٌ من كثيرٍ منقطع ) 

الموازنه و الاعتدال من اهم أسباب الاستمرار دائماً معروف 

( الشئ اذا زاد عن حده ينقلب ضده ) و خير الأمور أوسطها 

خليك من خلطات ام فلان  و حكي المنتديات 

بدايتا حطي في بالك مو انا ولا غيري راح يغيرك انتي بنفسك راح تشدين ع نفسك و تغيرينها ! 

و حطي في بالك النتايج مو بيوم و ليليه ولا وحي من السماء ، مع الاستمرار راح تلاحظين الفرق الشاسع 

العنايه يتفرع منها فروع : 

١ - العنايه بالتغذيه + الرياضه + النفسيه + معدل شرب الماء + معدل النوم 

٢ - العنايه بالجسم 

٣ - العنايه بالبشره 

٤ - العنايه بالشعر 

راح افصل بكل نقطه بشكل واضح و معتدل و متزن بدون تكلف و بأعطاء كل ذي حقٍ حقه

 

العنايه بالتغذيه و الرياضه و النفسيه و معدل الماء و معدل النوم : 

اهم النقاط في بداية العنايه 

النفسيه : دائماً ايجابيه محبه لذاتك و مقدرتها و واثقه فيها و فاقده السمع و العقل و الفكر لكل ما يحطم آمالك و يدفك للسلبيه فاقده لكل شخص سلبي ! مرتبه و منجزه و واثقه بأنها سوف تصبح شئ ما في المضارع المستمر 

- كتاباتي البسيطه * 

التغذيه : أساس كل المشاكل المترتبه : التساقط ، الشحوب بالبشره و الخ... 

ف ضروري يكون عندك نمط صحي تمشين عليه : 

١ - نظام غذائي مناسب لهدفك ! ( زياده وزن او  تثبيت وزن او خساره وزن ) 

٢ - معدل شرب الماء : 

هالات سودا 

تجاعيد 

جفاف بالجلد 

اسمرار الاكواع و المفاصل و الشفايف 

الصداع 

الام وقت الدوره الشهريه 

الخمول و الكسل 

شحوب الوجه 

مشاكل في المسالك البوليه - 

كل هالاشياء سببها قلة او انعدام شرب الماء ! ف ليش تحرمين نفسك !؟ من نعم حلها متوفر قدامك !!! الماء سبب لمد الدماغ بالطاقه و تنشيط الجسم و تحفيز الدوره الدمويه و تجديد الخلايا و تصفية الجسم و علاج لكل الأمور الي ذكرتها و اكثر !!! هذا الكلام و الأمور المترتبه الي ذكرتها لحالها بس محفزه انك تبدئين

الماء كنز حياه الدنيا ! ف ع الاقل اشربي بعدل لتر ! في اليوم 

لكن بنسبه للمعدل الأساسي الي الكل استفاد منه ٣ لترات 

مثال_واقعي : 

البريطانيه الاربيعينيه الي كانت تعاني من صداع و مشاكل بالهظم و من تجاعيد و مشاكل بالبشره استمرت ع شرب المويه ٣ لترات يوميا لمدة شهر رجعت ١٠ سنين ورا و وثقت تجربتها بصور لها قبل و بعد ما شاء الله عليها إنجاز  بصراحه و فوق الانجاز لو حابه تعرفين هنا اكثر سوي بحث بقوقل ( بريطانيه تشرب ٣ لترات ماء ) 

صوره قبل و بعد 

ما شاء الله ... 

معدل النوم : ( وجعلنا الليل لباسا ) 

النوم هوا الطاقه و الراحه للجسم من اهم العوامل المساعده ! ضروري جسمك ياخذ كفايته من النوم المستمر بمعدل ٨ ساعات راح تلاقين تغير بنفسيتك و تغير بمعدل النشاط بالجسم 

الرياضه : هي الي ترسم جسمك و ماتتم نتائجها و ايجابياتها الا بعد ما تستمرين ع العوامل الاولى ( التغذيه ، النوم ، الماء ، النفسيه ) 

اعرفي أهدافك من الرياضه ( تكبير ، تصغير ، شد ، رفع الخ... 

و ع هالاساس ابتدئي الرياضه لكل مشكله اتأكدي من مصطلحها بلانقليزي ! و ابحثي عنها باليوتيوب راح تلاقين موسوعه من التمارين 

ثاني نقطه بالرياضه : 

المشي يوميا امشي نص ساعه تجدد لك نفسيتك تبعد الطاقات السلبيه تنشط الدوره الدمويه و الخ... ف ضروري يكون المشي عاده عندك و روتين مكمل للرياضه 

العنايه بالجسم : 

بعيدا عن التكلف و زي ما قلنا الاتزان و إعطاء كل ذي حقٍ حقه 

الجسم يحتاج لعنايه يوميه / اسبوعيه / شهريه 

العنايه اليوميه : غسل الجسم بليفه مناسبه مع جل استحمام / غسول للمنطقه الحساسه /  لوشن او زبده او زيت او جل  / ديودرنت / مسك / معطر جسم / عطر أساسي 

العنايه الاسبوعيه : تقشير للجسم / ماسك للجسم / جل استحمام مع ليفه مناسبه / غسول للمنطقه الحساسه / لوشن او زبده او زيت او جل / ديودرنت / مسك / معطر جسم / عطر أساسي 

العنايه الشهريه : حمام مغربي 

ازالة شعر الجسم : ليزر افضل الحلول الممتازه او شمع او حلاوه و أدنى الحلول و أسوئها الموس لانه ما يشيل الشعره من الجذور  ف افضل حل الليزر 

 بنسبه للمشكلات الي تخص الجسم  بعضهم راح اخصهم بتدوينات لحالهم و لكن للافضل دائماً و ابدا استشارة المختصين

العنايه بالبشره : 

ضروري بالبدايه تعرفين نوع بشرتك عشان على اساسها تبدئين اختيار منتجاتك 

راح اختصارها ب ٥ اشياء ( غسول ، مرطب ، مقشر ، تونر ، مرطب لتحت العين ) 

العنايه اليوميه : غسول ، مرطب ، تونر { قبل النوم } 

العنايه الاسبوعيه : { تقشير + ماسك } 

العنايه الشهريه : تنظيف بشره {غسول +  تقشير + تونر + ازالة الرؤوس السودا + ماسك } 

منتجات مهمه للبشره : 

اقطان تحتاجينها بتوزيع التونر ع بشرتك او مسح الميك اب 

مزيل ميك اب العيون 

مناديل مزيله لميك اب الوجه 

بنسبه للمشكلات الي تخص البشره بعضهم راح اخصهم بتدوينات لحالهم و لكن للافضل دائماً و ابدا استشارة المختصين

العنايه بالشعر : 

العنايه اليوميه : تدليك الفروه لو كان شعرك كيرلي لان لو استخدمتي مشط راح تخرب تموجاتك الا اذا كنتي في حال راح تتسبحين ف قبل السباحه التمشيط / لو كان ستريت ف استخدمي مشط 

+ بديل الزيت او سيروم الي تحبين للاطراف بنسبه بسيطه ك ترطيب 

العنايه الاسبوعيه : مرتين بلاسبوع تزيت الشعر و مره وحده ماسك / لو كان ما يناسبك الزيت ف استبدليه ب ماسك مرتين بلاسبوع 

العنايه الشهريه : ماسك ترطيب مكثف بجهاز البخار لو ما كان عندك راح يغنيك بعد ماتحطين القصدير ع شعرك انك تمررين الاستشوار بدرجه حراره متوسطه  

منتجات ضروريه لشعرك :

شامبو ، بسلم 

ماسكات طبيعيه او جاهزه 

مرطبات مثل ( بديل الزيت او كريم ) 

محفزات مساعده للترطيب ( السيروم ) 

قبل اي حراره توجهينها ع شعرها : ( بخاخ واقي الشعر من الحراره ) 

مشط ( مشط خشبي اسنانه واسعه ) 

خطوه اضافيه ( تعطير الشعر )  : خمريات ، عطور مختصه للشعر

بنسبه للمشكلات الي تخص الشعر بعضهم راح اخصهم بتدوينات لحالهم و لكن للافضل دائماً و ابدا استشارة المختصين 

نهايتا خذي الي ناسبك و اتركي الي ما ناسبك 

و هذي هي العنايه بشكل متزن و واضح و سهل و بطريقه توفيت فيها لانوثتك و تعطين كل ذي حقٍ حقه ... 

نهاية التدوينه 

دمتم ورداتا لي