" دليلك ماقبل الدخول لعالم الميك اب "

* مساء الرضا و الجمال 

 سويت استفتاء عن ٤ تدوينات 

و أغلبكم اختارو هالموضوع ... 

الي هوا

"  دليلك ماقبل الدخول لعالم الميك اب  " 

.

. 

" أساس الجمال في كل شئ البساطه " 

.

. 

ك بدايه مُهم تحطين في بالك ! ان الميك اب ما بيزيد ولا بينقص ! لأنك جميله معاه او بدونه ! لان ببساطه الميك اب مجرد "عامل مساعد لأبراز ملامحك " 

.

. 

#احب اذكر : مدونتي مركزه ع العنايه قبل الميك اب لأن بلأساس لو ما كان عندك مبدء عنايه ! داخليه : من ناحية التغذيه ، معدل النوم و معدل شرب الماء و راحة النفسيه ، الرياضه + العنايه الخارجيه : الاهتمام الخارجي بالبشره و الجسم و اليدين و القدمين و الشعر 

مستحيل راح تلاقين جمال لما تستخدمين الميك اب !  لان بشرتك ! مو نظره مو صافيه مو جميله ، عشان كذا ابدء العنايه / الداخليه + الخارجيه قبل المستحظرات التجميليه الكيميائية الي راح تضر اكثر مما انها تنفع 

.

.

اول خطوه : مهم  انك تفهمين الميك اب و طريقة التعامل معاه ! ببساطه ناعمه و جذابه و بنفس الوقت " تفتن الشخص الي قدامك " 

.

. 

ثاني خطوه ! مهم انك تميزين و توزنين كمية الميك اب ! ع المكان او المناسبه الي راح تحظرينها ! كلمه دائماً نسمعها لو مثلا رايحين ( مدرسه ) و نلقاها حاطه ميك اب اوڤر و حالتها حاله و هي بس ( مدرسه ) ؟ نسمع اغلب البنات بس تمر منها " شفيها هذي رايحه عرس " و لا اقصاها يخزونها و فجاءه ينفجرون ضحك هنا معليش ! اقدر اقولك تستاهلين جبتيها لنفسك ! فاليش نحط نفسنا بمواقف بايخه ! لحد هنا اتوقع وضحت فكرة الموازنه و تميز كمية الميك اب لكل مناسبه او عزيمه لان انتي بالميك اب حقكك راح تعطين انطباع عن مفهومك له و طريقتك ! و ما اضن في وحدا تحب الناس تأخذ عنها فكره ان خبرتها بالميك اب  شبهه معدومه  

.

. 

ثالث خطوه : " لا تتبعين الموضه بكل شئ " 

اقرب الامثله ! لما صارت الحواجب الفاتحه موضه كثير سووها و ما راعو اذا كان يناسب شكلهم او لا ! و يطّلع شكلهم مرا غلط ! شعرهم لون و لون الحواجب فرق السماء عن الارض ! هذا يعتبر بنسبه لي " اعفاء النفس عن ابداء رائيها الشخصي و انتهاك للشخصيه " التقليد من اسوء الصفات الي ممكن تدمرين نفسك فيها و تمحين شخصيتك فيها فاخذي الي يناسبك من الموضه و اتركي الي ما يناسبك 

.

. 

 

.

. 

# تصحيح لمفاهيم خاطئه و ضروريه بالميك اب : 

- تمهيد : 

قبل كل شئ البشره الصافيه و النظره أساس الميك اب النظيف !

خليك من الكوركتر و الكونسيلر مابينفعونك اذا كانت بشرتك مو صافيه انا اعتبر هالاشياء " خدع " فعلا انهم يفكون ازمات لكن البعض

فعلا تنخدع فيها و تكتفي فيها و تنسى العلاج ! و تنسى ان هالماده تضرها اكثر من انها تنفعها 

٢ - الحواجب اهم نقطه بالوجه ف اهم شئ تكون مرسومه بشكل طبيعي ! ثاني شئ ضروري يكون لون شعرك مماثل للون حواجبك

-  صور توضح تأثير لون الحواجب المماثله للون الشعر 

بختصر كلامي عنهم ب كلمة " اناقه "

فعلا ! اناقه 

٣ - الكونتور و الهايلات و البلشر

مهم يكون بشكل بسيط يبرز الملامح بشكل " نااااعم " - ( ميلون خط تحت ناعم  ) خلو الموضه ع جنب !  الكونتور المبالغ فيه يعتبر " تدمير للملامح "  

صور توضح جمال الكونتور و هايلايت و البلشر الناعم  : 

شايفين البساطه و النعومه ! 

الصور المنتشره في الانستقرام للكونتور 

الي تبين مواقع الكونتور و الهايلات تكون مرا اوڤر عند الناس الي مايفهمون معناها ! 

تدرون ان هذي اكبر غلط ! عند البعض ! لان أساسا هي زي ما قلت توضح أماكن الكونتور و الهايلات و مالها اي علاقه بدرجة اللون و الحده ! ف انتبهو لهالنقطه 

٤ - الشفايف الي لعبو فيها لعب ... 

الشفايف انواع و أشكال ناس تناسبهم الشفايف الكبيرا ناس المتوسطه ناس الصغيرا فا زي ماقلنا خذي الي يناسبك و اتركي الموضه و زي ما متعارف عليه اي شئ اذا زاد عن حده ينقلب ضده لو حابه تكبرين شفايفك بالمحدد امشي ع الخط الأبيض الي فوق شفايفك لا تنزلين ولا تصعدين

٥ - الآي شادو و الآي لاينر : 

سوالف امط الحكل لاذني انا ما احبها ( مية خط ) 

دائماً و ابدا اختاري الي يناسبك ! و يناسب شكل عينك ! اتركي الموضه ع جنب و شوفي الي يجملك

٦ - كريم الأساس او البي بي كريم : مبدئيا احب اقولك حبي طبيعة لون بشرتك ! و لا تطلعين عن نمط لونها في اختيار كريم الأساس او البي بي كريم لان الغرض من كريم الأساس توحيد اللون ف لا تتوقعين انه بيبيضك ! أبداً ! راح يخليك طايحه بطحين و بس " لوووول " 

طريقة اختيار الميك اب المناسب : 

بالبدايه ضروري تعرفين ! نوعية بشرتك ثاني خطوه انتي ماتقدرين تحكمين ع الميك اب الي بتستخدمينه ! دون لا تعرفين هوا مناسب لأي بشره ! لو كان مناسب لنوع بشرتك هنا تتيح لك الاحقيه في تجريب و التقيم و الحكم ع المنتج 

خطوات مهمه لبشرتك ما قبل و بعد الميك اب " تصحيح لأبرز الأخطاء "  : 

ما قبل الميك اب :

تحضير البشره للميك اب " بشره نظيفه + ممسوحه بتونر او ماء ورد + مرطبه " 

لا تأجل عمل اليوم الى الغد ! 

مهم تمسحين الميك اب حقكك ! و تنظفين بشرتك من بعده ! و تهتمين فيها

انتبهي تنامين فيه ابدا مو من صالح بشرتك تأذينها بمواد كيمياويه تتراكم ع بشرتك دون لا تتنظف بتالي اقل شئ ممكن يصير لك تطلع لك حبه و اضن احد فينا يحب الحبوب ... 

# ما قبل الأخير : 

فرش الميك اب من احدى اعظم أسباب مشاكل البشره 

فا بتالي مهم انها  تتنظف و تتعقم و تكون جودتها ممتازه بحيث شعيراتها ما تأذي بشرتك 

النهايات - 

الخطوات الي ذكرتها : ب " خطوات مهمه بالميك اب "  كانت مجرد تركيز ع الأخطاء وتنويهه عن اساسيات كثير يغلطون فيها ، لكن بنسبه ! للتفاصيل فا راح تكون  

- مخصصه في تدوينات مستقله 

دائماً تذكري كل ما قل المكياج كنتي اجمل 

دائماً و ابدا الجمال يكمل بالبساطه 

نهاية التدوينه 

دمتم ورداتا لي