اهلا اهلا - خجلانه - :$
باقات شكر و اعتذااااااار
ل " اسرتي الكيرليات "
عارفه اتاخرت و حيل ااه اكثر موضوع جلست اماطل بكتابته مع اني مجهزه الصور و الخ...
بسبب المقدمه $:
مو ماعندي حكي اه عندي هذره ل السما
نداء ل اصحاب " الشعور الكيرليه " بالأخص الي تحرق راسها بالاستشوار و السراميك و الخ..
تعالو نجوب ب اعماق جمال الكيرلي ~
عشان نقدر نعشق شعرنا ع طبيعته
و بأول مسيرتنا بأكتشاف جمال شعورنا
راح نزف ع السجاده الحمرا
بعض من الجميلات الي ابرزو جمال الكيرلي !
.
.
فعلا اوقف لهم وقفت احترام و تقدير
اول وحدا من اليمين صاحبة الشعر الويفي الأقرب للكيرلي المليئ بالعفويه و النعومه
" هناي الباتل "
ماشاءالله قمة بالنعومه المغموره بالفتنه بتموجاتها العفويه
فعلا براڤو عليها
* الهدف من صورتها توضيح جمال عفوية الشعر الكيرلي " الاغلبيه ممكن الخصل الخارجه من مسار لفة الكيرلي يعتبرونها
"" نفشه ""
.
.
ولكن ع العكس تماما ! ماتمثل النفشه ولا بأي صله
مجرد ايحاء عفوي لتموجات شعرك و خصل عفويه تنتج لك " منظر عفوي و ناعم مغمور بالفتنه و الجاذبيه + كثافه "
و هذا الي كنت بدرجه من أوائل اسرار جمال عالم الكيرلز "
المنظر العفويي الناعم المغمور بالفتنه و الجذبيه "
آي ! عصفورين بحجر
هالنتيجه تطلع لك لما تنتبهين لنوعية الجل المستعمل + الكمية الي توزعينها ع شعرك
" راح اتطرق لهالنقطه اثناء التطبيق "
بعدها ع طول الجميله هانيه بسم الله عليها !
كانت اكثر وحدا معبره لمقصد
" انعكاس الشعر الكيرلي ع الطله ب الفتنه لكن بنفس الوقت مشبعه بالنعومه "
.
.
بعدها ع طول ميريام فارس
" وقفت احترام و تقدير لهالأنسانه "
في احد المقابلات لها بأحد البرامج كانت تحكي حالتها و معانتها مع شعرها الكيرلي و انها كانت نفس جماعتنا تحرق شعرها بالحراره لحد ما جا اليوم الي الكل يسألها عن طبيعة شعرها الين ماعرفت تتعامل معاه ..
لاحظت تدرجاتها خلال هالسنين ب خبرتها في تعاملها مع شعرها ابتداء من كليب
" انا مش انانيه "
لاحظو كل سنه عن سنه يحلى و يجمل اكثر و اكثر ! و هذي هي النقطه الي ابي اوصل لها
" مو من اول مرا راح توصلين للقمه مع شعرك و بأحلى طله خاصه لو كنتي مستخدمه فرد لشعرك و الخ...
يوم عن يوم راح تعرفين لشعرك لحد ما توصلين لأعالي القممم
خصال جمال الشعر الكيرلي لا تعد ولا تحصى لكن انا حبيت ابرز اجمل الخصال و أكثرهم اهتماماً طبعا ماخلصت حكيي عن جماله
حبك لعملك أساس لنجاحك لذالك انا بديت بأبراز جماله قبل الطرق و الخ...
نقطه اخيره 🎶
موجة طفوله + عفويه + براءه مغموه ب جاذبيه و فتنه من اجمل خصال " الشعر الكيرلي "
بغض النظر عن هالجميله كونها طفله او الخ.. انا و ع كبري بعض الشئ طالبة ثانويه الا اني المس هالانعكاس ف الكيرلي حقي و كثير اسمع هالحكي لما يكون ع طبيعته
لما اسمع هالحكي حيل اتحمس اتبدي ازرع الحب في قلوب " اسرتي الكيريات " خاصه النوعيات المتبريه من اسرتنا ب الحراره والسراميك و الاستشوار و الخ...
نداء لهم من أعالي المعالي
.
.
" لا تجحدين نعمة ربك "
.
.
الستريت نعمة و كذالك الكيرلي و الويفي نعمة من رب العالمين
لكل وحدا فينا خلقت بطبيعة شعر مختلفه !
و لكن ! الجميله الي تحب كونها بنعمة ربها عليها و تعشقها و تتمتع فيها
لكل نوع طلة و ستايل خاص فيه
لكن ! مشتركين بصفه وحدا " الجمال "
خلصنا من الجانب المعنوي في تدوينتي
ننتقل لأهم الخطوات المبدئيه المهم اتخاذها :
١ - ابتعدي عن المنتجات التي تحتوي ع سولفت و السيلكون و الخ... من المنظفات و الكحول
ابحثي عن أسمائهم عشان لما تجين تشترين منتج و تطلين ع المكونات تتجنبينهم
٢ - الفوطه اسال مجرب ولا تسال حكيم ! اهم عامل للنفشه ! ضروري تكون مصنوعه من الماكروفايبر تلقين ب أمازون و الخ.. لكن بحكم ان مو الاغلبيه عندهم امكانيه ف فوط الأطفال البديل الحصري لهااا و بجداره
٣ - كثر التنشيف يسبب نفشه اثناء التجفيف مو ضروري انه ينشف تمام لازم يكون مبلول بشكل بسيط مثلا بنسبه ٣٠ بالميه
٤ - عدم الترطيب يسبب نفشه الشعر الكيرلي قابل للجفاف بأوسع ابوابه ضروري ماسك مرتين بالأسبوع لو فروة راسك دهنيه مره تكفي
٥ - تجنبي الإكثار من الشامبو ! خلال الاسبوع
-
-
و اخيرا وصلنا للروتين الجبار
الجزء المهم بالتدوينه و لكن قائم ع المعلومات الي حرصت عليها في التدوينه ^
هالطريقه مخصصه لكل انواع الشعر
( الكيرلي - الويفي ) "
سواء كان الشعر ناعم او خشن ثقيل او خفيف و حتى المتطاير
بنسبه لشعري الفروه عاديه + الشعر ويفي اقرب للكيرلي بالتموجات ناعم خفيف )
اي كان نوعية الشعر " ويفي او كيرلي " بما ان الشعر قابل للتموج ف هي مناسبه له
.
.
الروتين هذا متبعينه أشهر الكيرلز قيرل باليوتيوب و اغلب البنات بمحيطي
و اعتبرها سبب إبراز التموجات بالشكل الصحيح :
روتيني بالبدايه قبل لا ادخل اخذ شاور ! أمشط شعري
* لو مشطتي شعرك و هو مبلل يتضرر شعرك لان راح يكون بحاله جدا ضعيفه تحت المويه *
الروتين كله اثناء الشاور
اغسل شعري بشامبو و كوندشر عادي
" استخدم شامبو و كوندشنر لوريال مجموعه ٦ زيوت " مرا مرتاحه عليه و يطّلع شكل الكيرلز حقتي حيل هيلثي
بعدها اغسل جسمي و اخلص روتين جسمي
ارجع شعري تحت الدش يكون مرا مبلل ابدا
بطريقة ال " سكرنتش حطيت لكم ڤيديو يوضح الطريقه ع الانستقرام
الرابط :
الطريقه الي ذكرتها بالڤيديو من كل جهه ! و اركز بهالخطوه
لاني فيها جالسه أشكل الكيرلز حقتي ! و ابرزهم نفس طريقة الڤيديو من فوق و يمين و يسار و انزل راسي و من تحت من كل مكان
" مهم الشعر يكون جدا مبلول "
بعدها قبل لا احط الفوطه نفس الشئ اخذ نتفه من بديل الزيت " لوريال ٦ زيوت " بس عشان تكون الكيرلز مرطبه و هيلثي و فيها لمعه تحسينه منتعش
أحط نتفه ع ايدي و أحطه ع شعري بنفس طريقة السكرنتش بعدها ع طول اخذ نتفه من الجل
الموجود بالصوره من اينرجي تلقونه بنزيه خالي من السيكلون و الخ.. و اوزعه ع شعري بنفس طريقه السكرنتش و ازيد كل ما احتجت
" راح اتكلم عن الكمية المناسبه بوضع الجل لنتيجه طبيعيه و تموجات عفويه "
طريقة جدا سهله منتجات قليله اقتصاديه و متوفره
ابي كل تركيزكم ع السكرنتش ! لان زي ما قلت وقت السكرنتش انتي جالسه تشكلين الكيرلز حقتك ! ركزي ع كل الاتجاهات
ركزو عليها حيل
بعدها البس الفوطه يصير وقت ...
* التنشيف
من اكبر عوامل " النفشه " اذا ما استخدم بالطريقه الصحيحه
اثناء فترة التنشيف " يمنع لمس الشعر بكثره "
لان لو جلستي تلمسين فيه راح ينفش و راح تساعدين خصل التموجات بأنها تتفكك
زي لما تلمسين شعرك بكثره و هو ستريت ! الكل يطالعك بنظره انو دهن شعرك ترا !؟؟
بالضبط مع الكيرلي بس الفرق انه ينفش بدل لا يدهن
انتبهي لهالنقطه !
شئ لازم يكون بالإعتبار ! الفوطه الفوطه الفوطه !
ضروري تكون مصنوعه من المايكروفايبر ! و البديل لها تيشرت قطني
صورة توضحيه للفوطه :
" اتوقع من الصوره اتضح لكم نوعية القماش نلقاها دايما هالنوعية عند فوط الاطفال المواليد بسنتربرينت و الخ.. لكن انا لقيت بردتاغ نفس شكل الصوره تماما
كثرة التنشيف بالفوطه يسبب نفشه و نقطه لازم تكون بالحسبان طريقة تنشيف الشعر الكيرلي ب الفوطه تختلف تماما عن الشعر العادي التنشيف يكون عن طريقة السكرنتش " سبق و حطيت رابطه فوق "
الفرق ان بدل ما تسوين السكرنتش بأيدك تكونين ماسكه الفوطه بأيدك تلقون الطريقه بالدقيقه
بعد ما تخلصين من كامل الروتين ممكن انك تخلينه ينشف بالطبيعه
او تستخدمين مجفف خاص للشعر الكيرلي
الي هو " الدفيوزر "
ممكن تلقين هالقطعه مع استشوارك العادي
الي عندي من براون متوفر بكل الصيدليات مو اكثر من ميتين ريال ..
ما قبل التنشيف :
مهم انك تحمين شعرك من الحراره ف واقي الشعر من الحراره المفضل بنسبه لي " تريسمي "
نقاط بالحسبان *
.
.
" كثرة التنشيف تسبب نفشه " لما تجين تنشفينه بالدفيوزر مو شرط ينشف تماما لازم يكون مبلول نوعا ما لو كثرتي ! راح تتسببين له بنفشه
طريقة التنشيف بالدفيوزر :
صوره له :
بنسبه للطريقه ...
وقت ما انتي حاطه الدفيوزر ع شعرك استني ٢٠ ثانيه يعني عدي من الواحد الى العشرين و نزلي الخصل
اخر خطوه بالتنشيف إنعاش الشعر خطوه مو ضروريه
ممكن تحطين سبريه لكن انا ما استخدم اكتفي ب نتفه من زيت جوز الهند اوزعه بطريقة السكرنتش
و اكون خلصت
بعد ماينشف تماما انزل راسي و احاول أحرك الخصل مجرد زيادة الفوليوم
اذا مراجعه لخطوة التنشيف :
١ - تنشيف بالطبيعه
٢ - تنشيف " بالدفيوزر "
-
كثرة التنشيف تسبب نفشه
كثرة لمس الشعر اثناء التجفيف تسبب نفشه
" جاري التدوين "
