اتعرفي ع نوع جسمك

شكل جسمك " محور تشكيل جمالك " 

# أهمية معرفة نوع جسمك : 

لما تعرفين نوع جسمك راح يسهل عليك  اختيار الملابس المناسبه بحيث تعطين لمسات و خدع و تلاعب بالشكل الين ماتوصلين للنتيجه الي تبينها  ، و من خلال نوع جسمك راح تركيزين ع الأماكن المهم و المفروض ابرازها و ع الأماكن المهم  اخفائها او موازنتها 

كيف اجمل جسمي من خلال معرفتي لنوعه : 

لما تعرفينه راح يتبين لك طرق التصحيح بالبس ! ايش الأماكن الي ضروري تركزين عليها ايش الأماكن الصح ايش الاماكن الغلط ؟!  

# انواع الاجسام : 

١ - الساعه الرمليه 

٢ - الكمثري 

٣ - التفاحه 

٤ - المسطره 

٥ - الكأس 

و يعتمد هالأنواع منها فروع : ( سمينه او نحيفه ) 

راح اتكلم عن كل نوع و الملابس و الطلات المناسبه لكل جسم بشكل متناسق و متوازن و القطع الممنوعه ع كل جسم

 

# كيف اعرف نوع جسمي ؟! 

بالبدايه لازم تعرفين قياسات ثلاث اقسام بجسمك 

" عرض الاكتاف ، الوسط الي هي منطقة ما تحت القفص الصدري  ، الارداف 

خذي المتر و قيسي 

الكمثري : يكونون الاكتاف اصغر من الأرداف و تكون عريضه 

الساعه الرمليه : تكون الاكتاف و الارداف متساويه و الوسط اصغر منهم 

التفاحه : الأكتاف + الارداف متساويه و الوسط او البطن عريض 

المسطره : يكون الاكتاف و الوسط و الارداف بمقاس واحد حتى لو كان الوسط اصغر بشوي 

الكأس : من اصعب الاجسام لانها تميل للجسم الرجالي يكون الاكتاف عريضه و الوسط اصغر بشوي و  الارداف نحيفه 

القياسات بالمتر : اذا زاد متر ونص مثلا الى مترين معناه متساوي حتى او قل بشوي 

 نوع جسمي : ساعه رمليه ماخذته وراثه " لووول"

ف هو اكثر نوع عندي خبره فيه ف راح ابتدي فيه 

بحكم اني مراه بتجارب عميقه معاه 

جسم الساعه الرمليه : من الاجسام المثاليه و من أشهر اصحاب جسم الساعه الساعه الرمليه " مارلين مونرو " 

شكل الساعه الرمليه : تكون الاكتاف و الارداف متساوين  ف هنا ما يحتاج تركيز بالملابس بقد باقي الاجسام لانه بلاساس الجسم مرتب لكن زي ما متعارف عليه كل قاعده لها شواذ لما اقول ان ماتحتاج تركيز مو معناه تلبسين اي شئ لانه ممكن تلبسين شئ مو مناسب عليك و يبرز و يعطي انبطاعات سيئه عن جسمك 

الملابس الي مهم تجتنبينها بالساعه الرمليه : 

مهم انك تاخذين لبس مقاسك او اكبر بدرجه الضيق راح يعطي انطباع سيئ عن جسمك 

٢ - ابعدي عن التنانير او التيشرتات الي تكون فيها كركش و طبقات عشان لا تفقدين توازن قوائمك لان هالستايلات تكبر و تعطي حجم او إيحاء اكبر 

٣ - ابعدي عن الجينز الي يكون فيه جيوب ع المؤخره بمسافات بعيده لانه راح يفقد التوازن في قوائمك و راح يبين او يعطي احياء اكبر لمنطقة الارداف + ابعدي عن الجينز الي يكون بدرجتين فاتح و غامق دائماً اختاري لون واحد لان لو اخترتي درجتين راح تعطين ايحاء و حجم و تركيز للشخص ع ذاك المكان بتالي بيخرب التوازن ! 

٤ - ابعدي عن الأقمشة القاسيه ودايما ميلي الناعمة الحرير و الخ لان راح تعطي عرض لجسمك ف بتالي تفقد توازن و جمال قوائم جسمك 

٥ - اكثر المشاكل الي تحصل مع جسم الساعه الرمليه هي ! اختيار التنوره ! تأخذ مقاس خصرها او مقاس اردافها 

بقولك تاخذين مقاس اردافك عشان يتناسق مع قوائم جسمك 

التنورات المناسبه لجسم الساعه الرمليه : 

التنورات الستريت او التنورات الستريت المخصرة لكن دون قماش السترتش و التنانير 

الجاكيت : 

الجاكيت الي يكون شبهه ماسك ع جسمك هوا انسب الانواع و لما اقول ماسك مش معناه ضيق لا يعني محدد جسمك و بارزه 

بنسبه للجاكيتات الطويله و الرسمية مهم تكون محدده من عند الخصر و بنسبه للفتحه من عند الصدر مهم تكون ع شكل " v " 

الفساتين : 

من اجمل الفساتين الي تكون محدده جسمك و بارزه التوازن بعيدا عن السترتش حق البعد ! 

و فتحت الصدر حلو تكون ع شكل " v " 

بنسبه لجسم الساعه الرمليه السمين : بما ان قوائم او عظام جسمك من الاجسام المثاليه ف مرح تعانين كثير ! كل الي تحتاجين تنحفين منطقة الارداف + الاكتاف + الصدر / لكن الوسط مهم يكون زي ما هوا 

و من ابرز الملابس الي بتساعدك بخطوة تنحيف الارداف هي التنوره على شكل A 

لانها راح تخفف من حدت القوائم 

ابعدي عن اي شئ يحدد الجزء التحتي ! لانه راح يعطيه ايحاء اكبر و احنا نبي ننحف ! 

بنسبه للصدر و الاكتاف : 

اختاري التيشرتات الي تكون ماسك من الايدين لان هالحركه راح تعطي انبطاع و ايحاء اصغر لمنطقة الصدر 

و ابعدي عن اي طبقات و كركشه ع هالمنطقه 

 

باقي الاجسام 

" جاري التدوين "